英國買樓收租，向來係好多港人嘅熱門投資選擇，但近年市場正在經歷深層轉變。下月生效嘅《租客權益法》只係其中一個觸發點，背後係3個值得業主認真留意嘅結構性趨勢。
要理解新例，先要明白問題所在：過去幾年，英國租金升得非常急。2024年7月，全英平均私人租金按年升8.6%，倫敦更高達9.7%。市場最旺嗰陣，租盤可多達17組租客競爭。供不應求之下，「租金競價戰」普遍存在，租客幾乎完全冇議價能力。
另一核心問題係Section 21「無過失驅逐令」，業主唔需要任何理由，只需兩個月通知就可以迫租客搬走，超過1,100萬英格蘭租客長期活在隨時被驅逐嘅陰影下。
新例生效後，私人業主面對多項新限制：1. 固定期限租約廢除，改為滾動式周期租約；Section 21廢除，收樓必須提出法律認可理由；
2. 租金加價每年限一次，租客有權透過裁判所挑戰；
3. 禁止租金競價，廣告標價即係上限。
對習慣舊制度嘅業主嚟講，靈活性確實大減，部分業主選擇放售離場，租盤供應進一步收縮（市場真係會因此降溫？）。
新例只係其中一個衝擊，英國租務市場嘅結構性轉變早已開始。過去租務市場主由個人業主主導，但近年機構投資者主導嘅Build-to-Rent（BTR，即由機構專門興建並統一管理、以長期出租為目的嘅住宅物業）崛起，成為租客嘅另一個選擇，直接同傳統個人業主競爭租客。
數據反映現實：2025年，英國BTR市場錄得歷史新高投資額，達52億英鎊（約551.45億港元）。目前全英已有146,700個BTR單位落成，未來更有67,307個已獲詳細規劃批准。呢類物業由機構統一管理，設施齊全，服務標準化，對租客嚟講係一個愈來愈吸引嘅選擇。
對個人業主嚟講，BTR嘅崛起意味住競爭格局變咗。以前租客選擇有限，而家佢哋可以揀一個管理專業、合約透明、設施完善嘅BTR物業。個人業主如果唔提升管理質素、唔定好租金策略，吸引力自然下降。
不過，倫敦BTR建設同時面對挑戰：2025年倫敦新建租盤動工數字按年大跌八成，主因係建築安全監管審批延誤及發展商成本壓力。換言之，BTR供應短期內難以大規模增加，個人業主仍然有空間，但長線壓力係真實存在嘅。
與此同時，另一個市場趨勢值得留意：專為學生而建嘅Purpose-Built Student Accommodation（PBSA）亦大幅增加。2025年，英國PBSA投資額達£43億，按年升10%，全年完成79宗交易，比上年多兩成。目前全英有50,250個PBSA床位正在興建，當中倫敦以14,600個床位領先，遠超其他城市。
需求方面，2026/27學年大學申請人數創歷史新高，近62萬人，按年升3%，國際學生申請更升5%。重要嘅係，PBSA受《租客權益法》影響較少：符合資格嘅學生宿舍獲豁免，毋須跟從新嘅周期租約制度，令機構投資者對呢個板塊信心更強，資金持續流入。
新例出台、BTR崛起、PBSA擴張，三個趨勢指向同一個方向：機構投資者正在大規模進入英國租務市場，行業專業化係大勢所趨。呢個「大魚食細魚」嘅格局，聽落對個人業主唔利，但換個角度睇，細魚唔一定俾大魚食，跟住大魚游，「食住氣流」，游得更輕鬆。
「食氣流」係咩？所謂「食氣流」，邏輯其實好簡單。BTR或PBSA機構業主管理成本高，為保持回報，傾向定期加租，而且幅度往往比個人業主更進取。當佢哋拉高同區租金水平，私人租盤自然有條件跟隨調升，唔使帶頭衝，跟住後面加少少，租金回報一樣可以穩步提升。
換言之，大鱷係幫小業主「定價」：佢哋加租，市場預期跟住走，個人業主自然坐享其成。
想了解更多「食氣流」詳情，不妨聯絡小弟傾傾！
Jackey YEUNG（英倫管家仔）：
Jackey 專注於英國房地產投資策略，長期為業主與投資人提供具前瞻性的市場分析與實務建議。Jackey曾任商業財經新聞記者，藉財經背景與市場觀察力，將政策、數據與趨勢轉化為投資建議。透過結合新聞專業與第一手市場資訊，協助讀者在瞬息萬變的英國房地產市場中，做出明智決策。
[編輯/邀請/合作/垂詢/業績會議/投資者簡介會]立即電郵聯繫：editorial@tastymoney.hk
英國買樓收租，向來係好多港人嘅熱門投資選擇，但近年市場正在經歷深層轉變。下月生效嘅《租客權益法》只係其中一個觸發點，背後係3個值得業主認真留意嘅結構性趨勢。
要理解新例，先要明白問題所在：過去幾年，英國租金升得非常急。2024年7月，全英平均私人租金按年升8.6%，倫敦更高達9.7%。市場最旺嗰陣，租盤可多達17組租客競爭。供不應求之下，「租金競價戰」普遍存在，租客幾乎完全冇議價能力。
另一核心問題係Section 21「無過失驅逐令」，業主唔需要任何理由，只需兩個月通知就可以迫租客搬走，超過1,100萬英格蘭租客長期活在隨時被驅逐嘅陰影下。
新例生效後，私人業主面對多項新限制：1. 固定期限租約廢除，改為滾動式周期租約；Section 21廢除，收樓必須提出法律認可理由；
2. 租金加價每年限一次，租客有權透過裁判所挑戰；
3. 禁止租金競價，廣告標價即係上限。
對習慣舊制度嘅業主嚟講，靈活性確實大減，部分業主選擇放售離場，租盤供應進一步收縮（市場真係會因此降溫？）。
新例只係其中一個衝擊，英國租務市場嘅結構性轉變早已開始。過去租務市場主由個人業主主導，但近年機構投資者主導嘅Build-to-Rent（BTR，即由機構專門興建並統一管理、以長期出租為目的嘅住宅物業）崛起，成為租客嘅另一個選擇，直接同傳統個人業主競爭租客。
數據反映現實：2025年，英國BTR市場錄得歷史新高投資額，達52億英鎊（約551.45億港元）。目前全英已有146,700個BTR單位落成，未來更有67,307個已獲詳細規劃批准。呢類物業由機構統一管理，設施齊全，服務標準化，對租客嚟講係一個愈來愈吸引嘅選擇。
對個人業主嚟講，BTR嘅崛起意味住競爭格局變咗。以前租客選擇有限，而家佢哋可以揀一個管理專業、合約透明、設施完善嘅BTR物業。個人業主如果唔提升管理質素、唔定好租金策略，吸引力自然下降。
不過，倫敦BTR建設同時面對挑戰：2025年倫敦新建租盤動工數字按年大跌八成，主因係建築安全監管審批延誤及發展商成本壓力。換言之，BTR供應短期內難以大規模增加，個人業主仍然有空間，但長線壓力係真實存在嘅。
與此同時，另一個市場趨勢值得留意：專為學生而建嘅Purpose-Built Student Accommodation（PBSA）亦大幅增加。2025年，英國PBSA投資額達£43億，按年升10%，全年完成79宗交易，比上年多兩成。目前全英有50,250個PBSA床位正在興建，當中倫敦以14,600個床位領先，遠超其他城市。
需求方面，2026/27學年大學申請人數創歷史新高，近62萬人，按年升3%，國際學生申請更升5%。重要嘅係，PBSA受《租客權益法》影響較少：符合資格嘅學生宿舍獲豁免，毋須跟從新嘅周期租約制度，令機構投資者對呢個板塊信心更強，資金持續流入。
新例出台、BTR崛起、PBSA擴張，三個趨勢指向同一個方向：機構投資者正在大規模進入英國租務市場，行業專業化係大勢所趨。呢個「大魚食細魚」嘅格局，聽落對個人業主唔利，但換個角度睇，細魚唔一定俾大魚食，跟住大魚游，「食住氣流」，游得更輕鬆。
「食氣流」係咩？所謂「食氣流」，邏輯其實好簡單。BTR或PBSA機構業主管理成本高，為保持回報，傾向定期加租，而且幅度往往比個人業主更進取。當佢哋拉高同區租金水平，私人租盤自然有條件跟隨調升，唔使帶頭衝，跟住後面加少少，租金回報一樣可以穩步提升。
換言之，大鱷係幫小業主「定價」：佢哋加租，市場預期跟住走，個人業主自然坐享其成。
想了解更多「食氣流」詳情，不妨聯絡小弟傾傾！
Jackey YEUNG（英倫管家仔）：
Jackey 專注於英國房地產投資策略，長期為業主與投資人提供具前瞻性的市場分析與實務建議。Jackey曾任商業財經新聞記者，藉財經背景與市場觀察力，將政策、數據與趨勢轉化為投資建議。透過結合新聞專業與第一手市場資訊，協助讀者在瞬息萬變的英國房地產市場中，做出明智決策。
[編輯/邀請/合作/垂詢/業績會議/投資者簡介會]立即電郵聯繫：editorial@tastymoney.hk