世代大戰又起！有餐廳經理網民在Threads怒轟，有00後新樓面員工，薪金$17,000，但上班兩日隨即以太辛苦為由離職，質疑「其實啲00後係做乜x」，引發逾千留言、近40萬瀏覽的世代大戰，有網民批評，自己畢業起薪已經$19000。

不少網民坦言「辛苦就唔做」很合理，反質問「$17000好高」、「咪玩，18K基本啦」，月薪$17000不如考保安牌，好過做飲食；更極端的有指現在年代不足2萬的工，「只夠買身，帶個人返工就Ok」，不能要求落手做，斥責樓主「真心未訓醒」。

面對貼00後標籤的批評，樓主指自己「遇到啲00後全部都有問題㗎囉，00、01、02 呢啲都仲好啲，乜野05、09已經係勁大分別」。亦有人提醒「唔係得00後係咁，老果批會同你玩工傷兵法。」

亦有人指現時社會更富裕，不能以上一代「捱得」來要求新一代，「真係冇收入呀爸呀媽點都會幫」，此外飲食業前途狹窄，亦是勸退因素，「再讀書、搵興趣都好過啲人一世做樓面啦，比你做多5年好未？你人工會唔會上到40k?又無前途又搵唔到錢嘅工，真係你繼續做飽佢。」

有自稱開公司多年嘅網民忠告，「現實少少，而家你請過人返嚟流口水，都要$18000，搵到個正常人都已經係賺咗。」

據統計署截至去年10月數據，現時港人收入中位數為$22,500，其中15至24歲組別中位數為15,600元，住宿及膳食服務從業員中位數為$17,500元；月入在$17,999或以下的人，佔全港就業人數38.3%；截至去年11月，15至19歲人仕失業率為12.4%。