上星期小弟同大家拆解咗英國代理嘅一啲語言藝術，今次唔講理論，直接用真實案例話俾大家聽，呢啲語言藝術點樣實際影響業主嘅放盤結果。
兩個故事，兩個教訓，希望大家睇完之後可以成功避雷。
順提，過往專欄文章，可以入返 周「樓」列國
業主A係海外移民，2023年喺西倫敦落腳，以£41.5萬鎊買咗個兩房單位，2025年諗住放售套現。搵咗幾間代理估價，其中一間B代理話：「我哋估計你個單位值£46萬鎊，附近最近有成交係咁價。」業主A一聽，當然揀B代理，簽咗獨家合約。
放盤幾個月之後，睇樓查詢寥寥可數。B代理陸續建議減價，由£46萬鎊減到£44萬鎊，再減到£42.5萬鎊，但仲係賣唔到。
事後聽業主講，個盤喺市場幾個月，B代理一個offer都無，亦無報告返買家睇樓後嘅意見，淨係不停叫佢減價。
小弟喺Rightmove（英國最大型嘅網上放盤平台）留意到個盤，就算減價幾次，定價仍然同區內成交有明顯落差，於是主動聯絡業主A，直接同佢講實情：依家市場狀況加上同區賣盤競爭大，呢個單位實際上淨係賣到£38.5萬鎊。
業主A聽完當然唔開心，但小弟解釋，與其再捱多幾個月、個盤繼續喺市場上「乾等」，不如以合理價錢重新出發。重新放盤後一個半月，收到兩個offer，最終順利£38萬鎊成交。
業主V喺東倫敦有個一房單位想放售，聯絡咗兩間代理。A代理講得直接，話要放上Rightmove等查詢。B代理就話：「我哋手頭上有幾個客啱啱睇緊呢區，你個單位好啱佢哋要求，簽咗合約我哋即刻安排佢哋睇樓。」業主V一聽，即刻簽咗獨家合約。
放盤上網後，B代理安排咗幾組客睇樓，但每次睇完都話「唔啱」或者「預算唔夾」。業主V慢慢發現，當初話「手頭上有幾個客」，其實只係普通Rightmove查詢，唔係甚麼獨家買家，同A代理嘅做法根本冇分別。睇咗幾個月，一個似樣嘅offer都無。
小弟有客戶係業主V嘅朋友，咁啱傾開佢就同我提及呢個單位，並叫我聯絡業主V。小弟首先了解佢放盤嘅原因同目標，再同佢分析該區內嘅市場情況：放售同放租各自嘅利與弊。
傾完之後，業主V決定唔再死守放售，改為出租出售兩邊同時進行。小弟即刻同團隊安排重新出post，並聯絡對該區有興趣嘅買家同租客，三個星期內成功搵到租客。現時單位有租客，租約亦列明租客需要配合買家睇樓。業主V而家可以安心等待投資者買家，連同租約一併賣出。
兩個案例，教訓其實一樣：代理講你想聽嘅，唔代表係對你最好嘅。高估價令個盤喺市場上「過期」，虛構客源令業主白白浪費合約期，兩樣都係可以避免嘅錯誤（前提係你肯聽真話。）
好代理唔係估價估得最高，唔係話自己手頭有客，而係直接同你講市場實況，協助你做決定，為你爭取最好結果。有時候，一句忠言逆耳，勝過幾個月嘅口甜舌滑。
如果你而家正煩緊點樣放租或放售，或者唔確定手上代理係咪真係盡力，不妨聯絡小弟傾下！
Jackey YEUNG（英倫管家仔）：
Jackey 專注於英國房地產投資策略，長期為業主與投資人提供具前瞻性的市場分析與實務建議。Jackey曾任商業財經新聞記者，藉財經背景與市場觀察力，將政策、數據與趨勢轉化為投資建議。透過結合新聞專業與第一手市場資訊，協助讀者在瞬息萬變的英國房地產市場中，做出明智決策。
[編輯/邀請/合作/垂詢/業績會議/投資者簡介會]立即電郵聯繫：editorial@tastymoney.hk
上星期小弟同大家拆解咗英國代理嘅一啲語言藝術，今次唔講理論，直接用真實案例話俾大家聽，呢啲語言藝術點樣實際影響業主嘅放盤結果。
兩個故事，兩個教訓，希望大家睇完之後可以成功避雷。
順提，過往專欄文章，可以入返 周「樓」列國
業主A係海外移民，2023年喺西倫敦落腳，以£41.5萬鎊買咗個兩房單位，2025年諗住放售套現。搵咗幾間代理估價，其中一間B代理話：「我哋估計你個單位值£46萬鎊，附近最近有成交係咁價。」業主A一聽，當然揀B代理，簽咗獨家合約。
放盤幾個月之後，睇樓查詢寥寥可數。B代理陸續建議減價，由£46萬鎊減到£44萬鎊，再減到£42.5萬鎊，但仲係賣唔到。
事後聽業主講，個盤喺市場幾個月，B代理一個offer都無，亦無報告返買家睇樓後嘅意見，淨係不停叫佢減價。
小弟喺Rightmove（英國最大型嘅網上放盤平台）留意到個盤，就算減價幾次，定價仍然同區內成交有明顯落差，於是主動聯絡業主A，直接同佢講實情：依家市場狀況加上同區賣盤競爭大，呢個單位實際上淨係賣到£38.5萬鎊。
業主A聽完當然唔開心，但小弟解釋，與其再捱多幾個月、個盤繼續喺市場上「乾等」，不如以合理價錢重新出發。重新放盤後一個半月，收到兩個offer，最終順利£38萬鎊成交。
業主V喺東倫敦有個一房單位想放售，聯絡咗兩間代理。A代理講得直接，話要放上Rightmove等查詢。B代理就話：「我哋手頭上有幾個客啱啱睇緊呢區，你個單位好啱佢哋要求，簽咗合約我哋即刻安排佢哋睇樓。」業主V一聽，即刻簽咗獨家合約。
放盤上網後，B代理安排咗幾組客睇樓，但每次睇完都話「唔啱」或者「預算唔夾」。業主V慢慢發現，當初話「手頭上有幾個客」，其實只係普通Rightmove查詢，唔係甚麼獨家買家，同A代理嘅做法根本冇分別。睇咗幾個月，一個似樣嘅offer都無。
小弟有客戶係業主V嘅朋友，咁啱傾開佢就同我提及呢個單位，並叫我聯絡業主V。小弟首先了解佢放盤嘅原因同目標，再同佢分析該區內嘅市場情況：放售同放租各自嘅利與弊。
傾完之後，業主V決定唔再死守放售，改為出租出售兩邊同時進行。小弟即刻同團隊安排重新出post，並聯絡對該區有興趣嘅買家同租客，三個星期內成功搵到租客。現時單位有租客，租約亦列明租客需要配合買家睇樓。業主V而家可以安心等待投資者買家，連同租約一併賣出。
兩個案例，教訓其實一樣：代理講你想聽嘅，唔代表係對你最好嘅。高估價令個盤喺市場上「過期」，虛構客源令業主白白浪費合約期，兩樣都係可以避免嘅錯誤（前提係你肯聽真話。）
好代理唔係估價估得最高，唔係話自己手頭有客，而係直接同你講市場實況，協助你做決定，為你爭取最好結果。有時候，一句忠言逆耳，勝過幾個月嘅口甜舌滑。
如果你而家正煩緊點樣放租或放售，或者唔確定手上代理係咪真係盡力，不妨聯絡小弟傾下！
Jackey YEUNG（英倫管家仔）：
Jackey 專注於英國房地產投資策略，長期為業主與投資人提供具前瞻性的市場分析與實務建議。Jackey曾任商業財經新聞記者，藉財經背景與市場觀察力，將政策、數據與趨勢轉化為投資建議。透過結合新聞專業與第一手市場資訊，協助讀者在瞬息萬變的英國房地產市場中，做出明智決策。
[編輯/邀請/合作/垂詢/業績會議/投資者簡介會]立即電郵聯繫：editorial@tastymoney.hk