1.一場屬於女性的集體狂歡，來自內地一套叫《嘆春風》嘅男團國風舞劇。我勸冇睇過嘅人一定要睇下，因為同你平時睇開嘅「舞蹈」可能有啲唔同。將慾望變成生意，是誰帶動了「男色經濟」？看似合法公開消費「男色」，會惹嚟國家出手禁止露肉跳舞show嗎？

2.《嘆春風》是甚麼？

3.《嘆春風》呢套舞台劇，已經成為近年中國最受矚目的文化現象之一。根據新浪財經，這部係被標榜為「全男新中式舞蹈」嘅作品，台上十幾個180cm 以上嘅男舞者，一開始著住淺灰、棗紅色馬面裙，上身搭薄身長衫，舞步係古風水袖舞同弓步，節奏偏慢，完全係傳統國風舞咁。

4.但去到中段，突然一下鼓聲，所有舞者原地踏腳，一齊雙手扯開長衫側扣，撕開上衣，背肌、胸肌、手臂線條全部爆出嚟。

5.台下觀眾幾乎清一色係25-35歲女仔，見到呢個畫面就high爆，直接起身拍掌、大聲尖叫，舉起電話左影右影。男團國風舞劇就靠呢啲畫面，一年賺超過一億票房，九成觀眾係女人，仲有大量女仔飛跨省搶飛，重複睇三四次。

6.網上一面倒讚：女性終於敢表達慾望、性別平權大進步、打破保守東亞文化。

7.所以今日我會同大家講一個新經濟概念 — 「男色經濟」。

8.首先男色經濟從來唔係新嘢。早十年韓國男團、內地小鮮肉流量明星，已經係男色消費，但以前全部包裝成偶像、「愛豆」IDOL、陽光少年，唔敢直白賣肉體吸引力。

9.真正分水嶺，就係2025年下半年《嘆春風》面世，爆發地集中內地一線、新一線城市：上海、深圳、廣州、杭州。點解係呢啲城市？BBC一篇深度報度入面有數據顯示：入場觀眾全部28-35歲高學歷職業女性，工時長、職場壓力極大，收入獨立，有閒錢、有情緒缺口。

10.今次內地男色經濟，同日、韓男色經濟咩唔同？

11.第一、外殼國風化。日韓男色係潮流偶像，內地嘅全部著住馬面裙、傳統武術舞蹈、東方陽剛，唔會出現裸露低俗感；

12.第二、場地純女性社群。日韓演唱會男女都有，《嘆春風》現場98%女性，係完全女性安全空間，唔需要面對男性異樣目光；

13.第三、慾望公開化。以往女人鍾意靚仔，好多時只會私下同閨蜜講，而家可以全場幾百人一齊尖叫、影相、公開表現佢嘅慾望，唔會被標籤「唔矜持、放蕩」。

14.補多啲現場細節，你就明白點解女性咁沉迷。平時內地公開場合，男性露上身一定會被話不雅，但呢套舞嘅細節就拿捏到好巧妙，舞者唔會赤裸上身到底，只係撕開外衫，入面仲有薄透膚色內搭，肌肉線條若隱若現；

15.舞步唔係賣弄性感扭動，反而係武術風格嘅舞步、轉身、深蹲，力量感重過挑逗感。

16.再加埋現場燈光偏暖色，投射喺肌肉陰影上面，視覺衝擊極強。而且成場劇場零男性目光，女仔可以大大方方舉機近距離拍攝，唔使尷尬收機，呢種放鬆感先係賣點。

17.簡單講：以前係暗地鍾意，而家係合法公開消費。

18.好多人以為：係女性有需求，資本先做生意。今次因果調轉

19.英國曼徹斯特大學數字社會學講師葛亮博士講過，「女性從來都在慾望男性，真正重要的是，這種慾望第一次以如此公開、集體且被默許的方式被搬上舞台，並獲得正當性。」

20.近5年內地女性獨立消費力暴漲，女性單身人口持續上升，情緒孤獨、職場內耗成為普遍痛點。但東亞幾千年禮教，從來壓抑女性對於異性肉體、外貌嘅欣賞。男人街頭望美女、睇美女短片，社會視為天性；女人公開欣賞男性肌肉，以前一定被人指指點點。呢個就係巨大嘅空白市場。

21.然後內地短視頻平台入局，演算法放大情緒，以往女性慾望係私人、單對單。而家抖音、小紅書將每一個人嘅尖叫、睇show感受，全部公開晒。本來一個女人偷偷鍾意，見到幾萬人 同自己一樣，就會產生群體共鳴。

22最後資本包裝規避風險。

23.當被問及作品是否踩中了「姐姐經濟」風口時，《嘆春風》導演葛俊逸對中國媒體表示，更希望作品面向所有人，但他坦承女性觀眾確實是主要客戶群。

24.但係市面上其實不缺養眼的男色表演，但很多都因為『擦邊』或『低俗』被罰、被關，咁要點做呢？

25.國內嘆春風導演葛俊逸就加咗兩層保護殼：第一層國風文化、文化自信；第二層重新定義東方陽剛。

26.有分析稱，嘆春風之所以能夠廣泛傳播，很大程度上反映出官方的默許，部分原因是它裹挾著的國風文化、民族審美等元素，亦很大程度上迎合了官方近年來推崇的「文化自信」。

27.同樣係男人除衫晒肌肉，冇國風外殼就係低俗色情，有馬面裙、古典舞蹈，就變成傳統文化復興。審查尺度即刻放寬，官方默許傳播。

28.由私人情緒→網絡群體共鳴→資本合法包裝→門票、周邊、見面會變現。一條產業鏈，一年造出過億營收。

29.睇返《嘆春風》，2025年演出約500場，總票房超過1億元人民幣，平均上座率超過98%。2026年上半年已在40多個中國城市巡演，觀眾復購率35%。

30.表面上，這是一個關於女性消費男色的故事：年輕女性為性感男演員買票、追星，帶動了一門「男色經濟」的新生意。但《嘆春風》的走紅，反映出女性慾望正以前所未有的公開程度進入公共討論。

31.這種慾望，已經被當下的市場迅速轉化為流量和巨大商業收益。

32.留低兩條問題 — 第一、如果男女互換角色，同款表演，你覺得社會容忍度會一樣嗎？第二、你覺得女性消費男色，係真解放，定係資本製造嘅幻覺？

33.Youtube有片睇：入link即睇片

[編輯/邀請/合作/垂詢] 立即電郵聯繫：editorial@tastymoney.hk