英國由落實到推行《租客權益法》（Renters’ Rights Act）之後，不斷有業主向小弟提出想盡快放售物業，導致大量物業進入出售市場。《租客權益法》原意係加強保障租客，建立一個更公平、更穩定嘅租務市場。但法例仍在逐步落實之際，市場已經出現一個值得關注嘅現象：租金仍然持續上升。
英國平均月租喺2026年6月升至£1,353，按月再升1%。倫敦嘅情況更值得留意：Prime Outer London租金按年上升約3%，係自2024年6月以來最快升幅。與此同時，市場上嘅出租盤源比過去五年平均少15%，每個新放租單位平均有5.9名租客競爭。
唔係租客突然變多，而係可供出租嘅物業變少咗。
唔少業界人士認為，《租客權益法》增加咗出租物業嘅成本同管理風險，令部分業主開始重新考慮自己嘅策略：有人提高租金以反映新增成本，有人收緊租客審批，亦有人乾脆退出租務市場放售物業。出租供應減少，租屋需求依然強勁，租金自然面對上升壓力。
當然，而家仍然唔能夠斷定《租客權益法》就係租金上升嘅唯一原因。高利率、住房供應不足、人口增長，以及倫敦持續吸引國際人才，都係影響租金嘅重要因素。
弔詭嘅係，業主離場潮對留守嘅業主嚟講，反而可能係機遇。
當小型業主陸續退場，市場會逐步走向「大型化、專業化」。換言之，管理有序、合規到位、物業狀態良好嘅業主，喺租客市場更有競爭力，而且因為供應收縮，議價能力反而更強。
小弟嘅觀察係：而家倫敦租賃市場空置率極低，租客競爭激烈。持有優質物業、管理合規嘅業主，唔只唔會受到新例打壓，反而可以趁業主退場潮，喺更少競爭嘅市場裏鎖定更好嘅租客、維持更穩定嘅租金收入。
除咗租務規管，其實英國樓亦將面臨另一衝擊：唔少人亦強烈要求新首相將Leasehold改革列為優先施政項目。市場數據顯示，Leasehold物業（大部分係公寓）而家佔市場積壓盤嘅54%，而呢類物業喺市場上滯留時間平均超過250日，比Freehold物業長逾100日，成交後亦要多約八個星期先能夠完成交易。
背後原因係Leasehold制度本身嘅問題：短租約令物業對買家同按揭機構嘅吸引力下降；延長租約費用愈來愈貴；地租同服務費持續上升；加上樓宇安全證書（EWS1）要求造成行政延誤，令唔少Leasehold物業最終要喺拍賣市場以低價出售。
對持有倫敦公寓嘅業主嚟講，呢個係切身問題。如果你而家持有嘅係Leasehold Flat，放售時嘅難度同時間成本，可能遠超你預期。Leasehold改革，絕對會係繼《租客權益法》之後，投資業主需要密切關注嘅議題。
工黨推行《租客權益法》，原意希望提高租客保障，方向值得肯定。但如果最終令更多業主退出市場，出租供應進一步減少，租客係咪真係能夠受惠？
業界普遍認為，呢場改革最大嘅矛盾在於：保護租客嘅政策，可能間接令租金更貴、租盤更難搵。政策設計者可能低估咗市場嘅反應速度：業主撤退令供應收縮，後果係租客要面對更激烈嘅競爭同更高嘅租金。
呢場改革係咪好心做壞事，恐怕仍然需要時間驗證。但有一點已經清晰：政策可以改變規則，市場卻決定價格。對業主嚟講，關鍵唔係逃避新例，而係喺新框架下做好準備，繼續為租客提供優質居所，先係長線持有嘅最穩陣策略。如果你而家正考慮點樣喺新例下部署租務投資，不妨聯絡小弟傾傾！
Jackey YEUNG（英倫管家仔）：
Jackey 專注於英國房地產投資策略，長期為業主與投資人提供具前瞻性的市場分析與實務建議。Jackey曾任商業財經新聞記者，藉財經背景與市場觀察力，將政策、數據與趨勢轉化為投資建議。透過結合新聞專業與第一手市場資訊，協助讀者在瞬息萬變的英國房地產市場中，做出明智決策。
[編輯/邀請/合作/垂詢/業績會議/投資者簡介會]立即電郵聯繫：editorial@tastymoney.hk
英國由落實到推行《租客權益法》（Renters’ Rights Act）之後，不斷有業主向小弟提出想盡快放售物業，導致大量物業進入出售市場。《租客權益法》原意係加強保障租客，建立一個更公平、更穩定嘅租務市場。但法例仍在逐步落實之際，市場已經出現一個值得關注嘅現象：租金仍然持續上升。
英國平均月租喺2026年6月升至£1,353，按月再升1%。倫敦嘅情況更值得留意：Prime Outer London租金按年上升約3%，係自2024年6月以來最快升幅。與此同時，市場上嘅出租盤源比過去五年平均少15%，每個新放租單位平均有5.9名租客競爭。
唔係租客突然變多，而係可供出租嘅物業變少咗。
唔少業界人士認為，《租客權益法》增加咗出租物業嘅成本同管理風險，令部分業主開始重新考慮自己嘅策略：有人提高租金以反映新增成本，有人收緊租客審批，亦有人乾脆退出租務市場放售物業。出租供應減少，租屋需求依然強勁，租金自然面對上升壓力。
當然，而家仍然唔能夠斷定《租客權益法》就係租金上升嘅唯一原因。高利率、住房供應不足、人口增長，以及倫敦持續吸引國際人才，都係影響租金嘅重要因素。
弔詭嘅係，業主離場潮對留守嘅業主嚟講，反而可能係機遇。
當小型業主陸續退場，市場會逐步走向「大型化、專業化」。換言之，管理有序、合規到位、物業狀態良好嘅業主，喺租客市場更有競爭力，而且因為供應收縮，議價能力反而更強。
小弟嘅觀察係：而家倫敦租賃市場空置率極低，租客競爭激烈。持有優質物業、管理合規嘅業主，唔只唔會受到新例打壓，反而可以趁業主退場潮，喺更少競爭嘅市場裏鎖定更好嘅租客、維持更穩定嘅租金收入。
除咗租務規管，其實英國樓亦將面臨另一衝擊：唔少人亦強烈要求新首相將Leasehold改革列為優先施政項目。市場數據顯示，Leasehold物業（大部分係公寓）而家佔市場積壓盤嘅54%，而呢類物業喺市場上滯留時間平均超過250日，比Freehold物業長逾100日，成交後亦要多約八個星期先能夠完成交易。
背後原因係Leasehold制度本身嘅問題：短租約令物業對買家同按揭機構嘅吸引力下降；延長租約費用愈來愈貴；地租同服務費持續上升；加上樓宇安全證書（EWS1）要求造成行政延誤，令唔少Leasehold物業最終要喺拍賣市場以低價出售。
對持有倫敦公寓嘅業主嚟講，呢個係切身問題。如果你而家持有嘅係Leasehold Flat，放售時嘅難度同時間成本，可能遠超你預期。Leasehold改革，絕對會係繼《租客權益法》之後，投資業主需要密切關注嘅議題。
工黨推行《租客權益法》，原意希望提高租客保障，方向值得肯定。但如果最終令更多業主退出市場，出租供應進一步減少，租客係咪真係能夠受惠？
業界普遍認為，呢場改革最大嘅矛盾在於：保護租客嘅政策，可能間接令租金更貴、租盤更難搵。政策設計者可能低估咗市場嘅反應速度：業主撤退令供應收縮，後果係租客要面對更激烈嘅競爭同更高嘅租金。
呢場改革係咪好心做壞事，恐怕仍然需要時間驗證。但有一點已經清晰：政策可以改變規則，市場卻決定價格。對業主嚟講，關鍵唔係逃避新例，而係喺新框架下做好準備，繼續為租客提供優質居所，先係長線持有嘅最穩陣策略。如果你而家正考慮點樣喺新例下部署租務投資，不妨聯絡小弟傾傾！
Jackey YEUNG（英倫管家仔）：
Jackey 專注於英國房地產投資策略，長期為業主與投資人提供具前瞻性的市場分析與實務建議。Jackey曾任商業財經新聞記者，藉財經背景與市場觀察力，將政策、數據與趨勢轉化為投資建議。透過結合新聞專業與第一手市場資訊，協助讀者在瞬息萬變的英國房地產市場中，做出明智決策。
[編輯/邀請/合作/垂詢/業績會議/投資者簡介會]立即電郵聯繫：editorial@tastymoney.hk