英國《租客權益法》（Renters’ Rights Act）下月1日正式生效，為英國租務市場帶來幾十年來最大嘅變革。2026年，好多業主都不約而同問小弟：「法案生效前，我打算賣咗層樓。」今次小弟結合最新市場數據，同大家逐一分析。
由5月1日起，固定期限租約將會被廢除，所有租約改為滾動式周期租約，租客只需提前兩個月通知即可搬走。對業主影響最大嘅係兩點：
第一，「無過失驅逐令」（Section 21）正式廢除，業主日後若想收回物業，必須依賴另一條例（Section 8），並提出法律認可嘅理由，例如出售物業、自住，或者租客欠租、滋擾行為等。
第二，租金加價每年限一次，業主須提前兩個月通知，租客亦有權透過租務裁判挑戰加租過高。此外，政府將禁止「租金競價」，放盤廣告必須列明租金，業主不得接受或鼓勵高於標價嘅出價。
有趣嘅係，根據最新市場數據，放售嘅前租盤比例過去一年大幅回落接近一半，倫敦跌幅更加超過五成。即係話，業主放售潮實際上係放緩咗，唔係加速。
但呢個數字背後有個隱憂：售出嘅前租盤只有極少數重新流返租務市場，大部分係被自住買家吸收，整體租盤供應持續收縮。對仍然持有放租物業嘅業主嚟講，租盤供應緊張其實係好消息：租客需求強，租金有支撐。
小弟見到唔少業主因為擔心新法，急於放售，但其實要計清楚幾點：
第一，放售唔係即刻收錢。而家英國樓市成交時間愈來愈長，由簽咗offer到正式完成交易，隨時要等四個月以上。即係話，而家決定放售，最快都要四個月後先至真正套現，新法到時早就生效咗。
第二，放盤定價要合理。最新數據顯示，3月份接近一半嘅放盤係撤盤收場，主因係代理高估價加上過長嘅獨家合約期。小弟之前講過呢個陷阱，急於喺法案生效前賣樓嘅業主特別容易中招：心急之下信咗高估價，最終浪費時間，法案生效咗都未賣出。
第三，新法下放租未必係災難。Section 21廢除後，業主確實少咗一個驅逐租客嘅工具，但合理原因如出售物業、自住、租客欠租或滋擾行為，仍然係合法收回物業嘅理由。揀到好租客，新法影響有限；真正有風險嘅，係本身已經有問題租客嘅業主。
法案生效前後，市場都會有業主因為恐慌而放售，呢批盤往往定價偏低甚至蝕讓，反而係有心買家嘅入市機會。作為現有業主，而家最重要嘅係：了解清楚新法對你個物業嘅實際影響，計清楚放售同放租嘅長線回報，再做決定，唔好人恐慌你就跟住恐慌。
如果你而家正考慮《租客權益法》生效前後應該點部署，或者想留意市場上有冇值得入手嘅筍盤，不妨聯絡小弟傾下！
Jackey YEUNG（英倫管家仔）：
Jackey 專注於英國房地產投資策略，長期為業主與投資人提供具前瞻性的市場分析與實務建議。Jackey曾任商業財經新聞記者，藉財經背景與市場觀察力，將政策、數據與趨勢轉化為投資建議。透過結合新聞專業與第一手市場資訊，協助讀者在瞬息萬變的英國房地產市場中，做出明智決策。
[編輯/邀請/合作/垂詢/業績會議/投資者簡介會]立即電郵聯繫：editorial@tastymoney.hk
英國《租客權益法》（Renters’ Rights Act）下月1日正式生效，為英國租務市場帶來幾十年來最大嘅變革。2026年，好多業主都不約而同問小弟：「法案生效前，我打算賣咗層樓。」今次小弟結合最新市場數據，同大家逐一分析。
由5月1日起，固定期限租約將會被廢除，所有租約改為滾動式周期租約，租客只需提前兩個月通知即可搬走。對業主影響最大嘅係兩點：
第一，「無過失驅逐令」（Section 21）正式廢除，業主日後若想收回物業，必須依賴另一條例（Section 8），並提出法律認可嘅理由，例如出售物業、自住，或者租客欠租、滋擾行為等。
第二，租金加價每年限一次，業主須提前兩個月通知，租客亦有權透過租務裁判挑戰加租過高。此外，政府將禁止「租金競價」，放盤廣告必須列明租金，業主不得接受或鼓勵高於標價嘅出價。
有趣嘅係，根據最新市場數據，放售嘅前租盤比例過去一年大幅回落接近一半，倫敦跌幅更加超過五成。即係話，業主放售潮實際上係放緩咗，唔係加速。
但呢個數字背後有個隱憂：售出嘅前租盤只有極少數重新流返租務市場，大部分係被自住買家吸收，整體租盤供應持續收縮。對仍然持有放租物業嘅業主嚟講，租盤供應緊張其實係好消息：租客需求強，租金有支撐。
小弟見到唔少業主因為擔心新法，急於放售，但其實要計清楚幾點：
第一，放售唔係即刻收錢。而家英國樓市成交時間愈來愈長，由簽咗offer到正式完成交易，隨時要等四個月以上。即係話，而家決定放售，最快都要四個月後先至真正套現，新法到時早就生效咗。
第二，放盤定價要合理。最新數據顯示，3月份接近一半嘅放盤係撤盤收場，主因係代理高估價加上過長嘅獨家合約期。小弟之前講過呢個陷阱，急於喺法案生效前賣樓嘅業主特別容易中招：心急之下信咗高估價，最終浪費時間，法案生效咗都未賣出。
第三，新法下放租未必係災難。Section 21廢除後，業主確實少咗一個驅逐租客嘅工具，但合理原因如出售物業、自住、租客欠租或滋擾行為，仍然係合法收回物業嘅理由。揀到好租客，新法影響有限；真正有風險嘅，係本身已經有問題租客嘅業主。
法案生效前後，市場都會有業主因為恐慌而放售，呢批盤往往定價偏低甚至蝕讓，反而係有心買家嘅入市機會。作為現有業主，而家最重要嘅係：了解清楚新法對你個物業嘅實際影響，計清楚放售同放租嘅長線回報，再做決定，唔好人恐慌你就跟住恐慌。
如果你而家正考慮《租客權益法》生效前後應該點部署，或者想留意市場上有冇值得入手嘅筍盤，不妨聯絡小弟傾下！
Jackey YEUNG（英倫管家仔）：
Jackey 專注於英國房地產投資策略，長期為業主與投資人提供具前瞻性的市場分析與實務建議。Jackey曾任商業財經新聞記者，藉財經背景與市場觀察力，將政策、數據與趨勢轉化為投資建議。透過結合新聞專業與第一手市場資訊，協助讀者在瞬息萬變的英國房地產市場中，做出明智決策。
[編輯/邀請/合作/垂詢/業績會議/投資者簡介會]立即電郵聯繫：editorial@tastymoney.hk