英國《租客權益法》5月1日正式生效，係英國近四十年最大嘅租務改革。小弟最近同唔少業主傾過，發現反應兩極：有人急於放賣離場，有人趁機加租鎖定回報。
新例生效後，業主最大嘅衝擊係失去Section 21「無過失驅逐令」。業主今後必須依賴Section 8，提出欠租、滋擾等法律認可理由驅逐租客。仲有，若業主想以「自住或出售」為由收回物業，新租客入住後頭12個月受保護，之後仲要俾足四個月通知——靈活性大幅下降。
面對新規，有調查估計約四分一業主計劃放售至少一個物業。小弟有客就係典型例子：2015年以£55萬買入，今年因為擔心新例，急於出貨，標價£52萬，結果收到買家出價£46.5萬。事實上，呢個單位嘅租金回報一直約4.77%，放租回報唔算差，根本唔係非賣不可。唔單止蝕返買入價，十年持有換來嘅係虧損而非回報，仲要面對代理佣金同律師費。恐慌賣樓嘅代價，往往係自己嚇自己嚇出嚟嘅。
仲有一點業主要留意：5月31日前，所有業主必須向現有租客派發政府指定嘅《租客權益法資訊表》，唔可以只發連結，要提供PDF文件本身，違者可被罰款。
另一批業主嘅反應完全相反：趁新例生效前後，主動調升租金，鎖定更高嘅租金水平。
新例規定業主每年只能加租一次，並提前兩個月通知。租客收到通知後，可以向租務裁判所挑戰加租幅度。加租程序比以前更複雜，部分業主因此選擇盡快調整至市場水平，務求「一次到位」避免日後受更多掣肘。
小弟團隊最近就遇到呢類情況：有客戶單位本身月租£2,780，租客退租後，業主要求我哋以£3,250重新招租。從市場角度睇，呢個決定表面上有根據：租盤供應收縮，倫敦租金2026年預計繼續溫和上升約3%。但問題係，£2,780其實已經係同區同類型單位嘅租金高位，£3,250要求已經超出市場水平，搵租客難度大增。結果查詢多，但出價嘅租客少，單位持續空置，每日都係損失。
「一次到位」嘅前提，係真實反映市場水平，唔係獅子開大口，否則空置成本隨時蝕過加租帶來嘅收益。
兩個客例嘅結局，其實係最好嘅說明。急於放賣嗰位，舊租客3月尾已搬出，單位而家仍然空置，未有新出價，又唔想以低價成交，空置期嘅按揭同管理費每個月照跑，心理壓力更唔在話下。急於加租嗰位，4月頭租客搬出後睇樓查詢多，但願意出價高過£3,000嘅租客少，單位同樣每日產生空置成本。
放賣有放賣嘅理由，加租有加租嘅原因，但兩樣都要建基於真實嘅市場數據同清晰嘅投資目標，唔係被恐慌或者貪心主導。識得冷靜分析、計清楚數字嘅業主，反而係最終嘅得益者。如果你而家正考慮放賣或者加租部署，不妨聯絡小弟傾下！
Jackey YEUNG（英倫管家仔）：
Jackey 專注於英國房地產投資策略，長期為業主與投資人提供具前瞻性的市場分析與實務建議。Jackey曾任商業財經新聞記者，藉財經背景與市場觀察力，將政策、數據與趨勢轉化為投資建議。透過結合新聞專業與第一手市場資訊，協助讀者在瞬息萬變的英國房地產市場中，做出明智決策。
[編輯/邀請/合作/垂詢/業績會議/投資者簡介會]立即電郵聯繫：editorial@tastymoney.hk
英國《租客權益法》5月1日正式生效，係英國近四十年最大嘅租務改革。小弟最近同唔少業主傾過，發現反應兩極：有人急於放賣離場，有人趁機加租鎖定回報。
新例生效後，業主最大嘅衝擊係失去Section 21「無過失驅逐令」。業主今後必須依賴Section 8，提出欠租、滋擾等法律認可理由驅逐租客。仲有，若業主想以「自住或出售」為由收回物業，新租客入住後頭12個月受保護，之後仲要俾足四個月通知——靈活性大幅下降。
面對新規，有調查估計約四分一業主計劃放售至少一個物業。小弟有客就係典型例子：2015年以£55萬買入，今年因為擔心新例，急於出貨，標價£52萬，結果收到買家出價£46.5萬。事實上，呢個單位嘅租金回報一直約4.77%，放租回報唔算差，根本唔係非賣不可。唔單止蝕返買入價，十年持有換來嘅係虧損而非回報，仲要面對代理佣金同律師費。恐慌賣樓嘅代價，往往係自己嚇自己嚇出嚟嘅。
仲有一點業主要留意：5月31日前，所有業主必須向現有租客派發政府指定嘅《租客權益法資訊表》，唔可以只發連結，要提供PDF文件本身，違者可被罰款。
另一批業主嘅反應完全相反：趁新例生效前後，主動調升租金，鎖定更高嘅租金水平。
新例規定業主每年只能加租一次，並提前兩個月通知。租客收到通知後，可以向租務裁判所挑戰加租幅度。加租程序比以前更複雜，部分業主因此選擇盡快調整至市場水平，務求「一次到位」避免日後受更多掣肘。
小弟團隊最近就遇到呢類情況：有客戶單位本身月租£2,780，租客退租後，業主要求我哋以£3,250重新招租。從市場角度睇，呢個決定表面上有根據：租盤供應收縮，倫敦租金2026年預計繼續溫和上升約3%。但問題係，£2,780其實已經係同區同類型單位嘅租金高位，£3,250要求已經超出市場水平，搵租客難度大增。結果查詢多，但出價嘅租客少，單位持續空置，每日都係損失。
「一次到位」嘅前提，係真實反映市場水平，唔係獅子開大口，否則空置成本隨時蝕過加租帶來嘅收益。
兩個客例嘅結局，其實係最好嘅說明。急於放賣嗰位，舊租客3月尾已搬出，單位而家仍然空置，未有新出價，又唔想以低價成交，空置期嘅按揭同管理費每個月照跑，心理壓力更唔在話下。急於加租嗰位，4月頭租客搬出後睇樓查詢多，但願意出價高過£3,000嘅租客少，單位同樣每日產生空置成本。
放賣有放賣嘅理由，加租有加租嘅原因，但兩樣都要建基於真實嘅市場數據同清晰嘅投資目標，唔係被恐慌或者貪心主導。識得冷靜分析、計清楚數字嘅業主，反而係最終嘅得益者。如果你而家正考慮放賣或者加租部署，不妨聯絡小弟傾下！
Jackey YEUNG（英倫管家仔）：
Jackey 專注於英國房地產投資策略，長期為業主與投資人提供具前瞻性的市場分析與實務建議。Jackey曾任商業財經新聞記者，藉財經背景與市場觀察力，將政策、數據與趨勢轉化為投資建議。透過結合新聞專業與第一手市場資訊，協助讀者在瞬息萬變的英國房地產市場中，做出明智決策。
[編輯/邀請/合作/垂詢/業績會議/投資者簡介會]立即電郵聯繫：editorial@tastymoney.hk