愛華頓同水晶宮即將交換球員。愛華頓前鋒杜韋麥尼爾（Dwight McNeil）將轉投水晶宮，而水晶宮前鋒班倫莊臣（Brennan Johnson）將加盟愛華頓。雙方就今次交換已達成協議，過埋體檢就官宣。

杜韋麥尼爾

26歲嘅英格蘭前鋒杜韋麥尼爾喺般尼青訓出身，2022年加盟愛華頓，效力4個球季上陣128場入15球。不過上季上陣25場0入球，今次轉換新環境對佢來說可能係好事。

班倫莊臣

至於25歲嘅威爾斯前鋒班倫莊臣，出身於諾定咸森林，踢過林肯城同熱刺。轉投水晶宮後上陣26場0入球，即使隨隊捧得歐協聯冠軍後仍然要離隊。且看佢過檔愛華頓後能否轉運。