轉眼2026年差唔多過咗一半，小弟今個星期用兩個真實客例，配合市場數據，同大家總結一下2026上半年英國房地產嘅真實狀況。
小弟有個客，兩年前買入西倫敦一個兩房單位，上年開始諗賣。佢前後搵過超過5間代理傾，每間嘅估價都係高過佢買入成本，但係低過佢心目中預期。結果，到今日都仲未下定決心放盤。
呢個故事講嘅，係2026年英國放售市場嘅縮影。根據最新市場數據，全國放盤量係十一年來同期最高水平，三分之一放盤已經減過價。買家選擇多咗，議價能力強咗，市場已經係典型嘅「買家主導」格局。
全國成交量2026年第一季按年大跌四成，主因係去年印花稅假期帶來嘅額外成交令今年基數偏高。全國數字受此影響，但倫敦情況略有不同：倫敦成交量按年升8%，係全英最強，但同時放盤量亦按年多13%，買家仍然有充足選擇，賣家定價壓力因此上升。
對小弟嗰個仲未落決心嘅客嚟講，市場數據其實係一個清醒劑。業主心目中嘅「合理價」，往往係基於過去嘅市場印象，而唔係而家買家願意俾嘅價。繼續等，市場未必會配合；接受現實、合理定價，反而係最快達到目標嘅方法。
另一個故事係放租方面。小弟團隊最近幫一個業主搵租客，個盤一出，反應非常熱烈，好快就搵到合適租客。但問題係，上一手租客（由另一代理負責）遲遲唔肯搬走，甚至繼續想議價繼續租！呢個情況導致新租客無法按原定日期入住，業主同新租客都陷入被動。
呢個現象反映嘅，係而家倫敦租客面對嘅現實：好盤太少，搵到一個唔想輕易放手。根據市場數據，倫敦租盤空置率只有約2%，係歷史低位。雖然租盤成交時間由2022年嘅極速，拉長至而家平均20-25日，但對比歷史水平，仍然係偏快。倫敦租金2026年預計溫和上升3-4%，供應持續緊張，需求穩定。
《租客權益法》生效後，租客嘅保障大增，業主要求租客搬走嘅難度提高。呢個案例提醒業主：新例下，租客交接期嘅規劃更加重要，喺安排新租客入住前，必須確保舊租客嘅離場時間有足夠緩衝，避免出現青黃不接嘅情況。
放售市場同放租市場，2026年走勢截然不同。放售市場係買家主導：放盤多、選擇多、成交慢，業主要放低預期、計清楚定價，唔係等市場配合你，而係你配合市場。放租市場係業主仍然有優勢：好盤需求強、空置率低、租金有支撐，但《租客權益法》生效後，管理難度上升，租客關係更加需要主動處理。
最後小弟想講一個觀察：以往兩年，唔少香港業主客同小弟講：「Jackey，而家香港樓低位呀、抵買呀、Outlet價呀，你都應該返嚟買嚟收租啦！」到咗2026年，香港樓市似乎開始回升，反而英國樓市因為利率、《租客權益法》等政策因素，仍然未見明顯復甦。放盤量係十一年新高，三分之一放盤已經減過價，買家議價空間係近年最大。
換言之，當年香港業主叫小弟「返嚟買」嘅時機，而家輪到英國出現：多選擇、多議價空間、入場門檻相對合理。當然，買樓從來唔係純粹睇時機，仲要計清楚自己目標、租金回報同長線規劃。但如果你而家有興趣了解更多英國物業嘅資訊，不妨聯絡小弟傾傾！
Jackey YEUNG（英倫管家仔）：
Jackey 專注於英國房地產投資策略，長期為業主與投資人提供具前瞻性的市場分析與實務建議。Jackey曾任商業財經新聞記者，藉財經背景與市場觀察力，將政策、數據與趨勢轉化為投資建議。透過結合新聞專業與第一手市場資訊，協助讀者在瞬息萬變的英國房地產市場中，做出明智決策。
[編輯/邀請/合作/垂詢/業績會議/投資者簡介會]立即電郵聯繫：editorial@tastymoney.hk
轉眼2026年差唔多過咗一半，小弟今個星期用兩個真實客例，配合市場數據，同大家總結一下2026上半年英國房地產嘅真實狀況。
小弟有個客，兩年前買入西倫敦一個兩房單位，上年開始諗賣。佢前後搵過超過5間代理傾，每間嘅估價都係高過佢買入成本，但係低過佢心目中預期。結果，到今日都仲未下定決心放盤。
呢個故事講嘅，係2026年英國放售市場嘅縮影。根據最新市場數據，全國放盤量係十一年來同期最高水平，三分之一放盤已經減過價。買家選擇多咗，議價能力強咗，市場已經係典型嘅「買家主導」格局。
全國成交量2026年第一季按年大跌四成，主因係去年印花稅假期帶來嘅額外成交令今年基數偏高。全國數字受此影響，但倫敦情況略有不同：倫敦成交量按年升8%，係全英最強，但同時放盤量亦按年多13%，買家仍然有充足選擇，賣家定價壓力因此上升。
對小弟嗰個仲未落決心嘅客嚟講，市場數據其實係一個清醒劑。業主心目中嘅「合理價」，往往係基於過去嘅市場印象，而唔係而家買家願意俾嘅價。繼續等，市場未必會配合；接受現實、合理定價，反而係最快達到目標嘅方法。
另一個故事係放租方面。小弟團隊最近幫一個業主搵租客，個盤一出，反應非常熱烈，好快就搵到合適租客。但問題係，上一手租客（由另一代理負責）遲遲唔肯搬走，甚至繼續想議價繼續租！呢個情況導致新租客無法按原定日期入住，業主同新租客都陷入被動。
呢個現象反映嘅，係而家倫敦租客面對嘅現實：好盤太少，搵到一個唔想輕易放手。根據市場數據，倫敦租盤空置率只有約2%，係歷史低位。雖然租盤成交時間由2022年嘅極速，拉長至而家平均20-25日，但對比歷史水平，仍然係偏快。倫敦租金2026年預計溫和上升3-4%，供應持續緊張，需求穩定。
《租客權益法》生效後，租客嘅保障大增，業主要求租客搬走嘅難度提高。呢個案例提醒業主：新例下，租客交接期嘅規劃更加重要，喺安排新租客入住前，必須確保舊租客嘅離場時間有足夠緩衝，避免出現青黃不接嘅情況。
放售市場同放租市場，2026年走勢截然不同。放售市場係買家主導：放盤多、選擇多、成交慢，業主要放低預期、計清楚定價，唔係等市場配合你，而係你配合市場。放租市場係業主仍然有優勢：好盤需求強、空置率低、租金有支撐，但《租客權益法》生效後，管理難度上升，租客關係更加需要主動處理。
最後小弟想講一個觀察：以往兩年，唔少香港業主客同小弟講：「Jackey，而家香港樓低位呀、抵買呀、Outlet價呀，你都應該返嚟買嚟收租啦！」到咗2026年，香港樓市似乎開始回升，反而英國樓市因為利率、《租客權益法》等政策因素，仍然未見明顯復甦。放盤量係十一年新高，三分之一放盤已經減過價，買家議價空間係近年最大。
換言之，當年香港業主叫小弟「返嚟買」嘅時機，而家輪到英國出現：多選擇、多議價空間、入場門檻相對合理。當然，買樓從來唔係純粹睇時機，仲要計清楚自己目標、租金回報同長線規劃。但如果你而家有興趣了解更多英國物業嘅資訊，不妨聯絡小弟傾傾！
Jackey YEUNG（英倫管家仔）：
Jackey 專注於英國房地產投資策略，長期為業主與投資人提供具前瞻性的市場分析與實務建議。Jackey曾任商業財經新聞記者，藉財經背景與市場觀察力，將政策、數據與趨勢轉化為投資建議。透過結合新聞專業與第一手市場資訊，協助讀者在瞬息萬變的英國房地產市場中，做出明智決策。
[編輯/邀請/合作/垂詢/業績會議/投資者簡介會]立即電郵聯繫：editorial@tastymoney.hk