英國樓過去一年都係易放租難出售，不過部分業主因為不同原因，都寧願嘗試出售物業離場。今日同大家分享一個客戶嘅經歷，一齊從中分析。
呢個客四年前以£705,000買入倫敦西南一個一房單位。四年過去，倫敦樓市經歷加息、《租客權益法》生效、政局變動，而家佢唔睇好後市，想賣樓離場。現實係：小弟評估過市場，而家同區同類型物業嘅成交價，估計唔會高過£700,000。即係話，四年持有，最好情況係平手，仲未計代理佣金（約2-3%）、律師費（約£2,000-£3,000）、同持有期間嘅按揭利息。
小弟一開始唔建議佢賣，但佢堅持，叫價£750,000——已經係高過小弟評估嘅市場水平£50,000。4月底，佢甚至要求原租客搬走，吉屋等買家。
吉屋等買家，聽落係好部署。唔使租客配合睇樓，買家可以即時入住。但問題係，等買家嘅過程中，個單位每個月嘅按揭同管理費繼續跑，租金收入係零。
當區優質新盤同類單位，市場月租約£3,200-£3,500。吉咗幾個月，損失嘅租金收入輕易超過£10,000。加上持有成本，呢幾個月嘅空置，係實實在在嘅錢蝕出去。
仲有一個業主容易忽略嘅現實：而家倫敦放盤量係12年來同期最高，買家查詢量按年跌20%，由接受offer到完成交易平均超過17個星期。即係話，即使有買家出價，由開始傾到正式成交，都要四個月以上。等買家，唔係等幾個星期，係等幾個月。
吉咗幾個月，陸陸續續有買家嚟睇樓，但出價都係手緊。幾個月下來，只有寥寥幾組買家查詢，大部分係試水溫式出價，唔超過£700,000。
終於有一個買家願意出£700,000，已經係同期最認真嘅offer。但業主一口回絕，心諗可以釣到買家加價去£725,000。結果？買家即刻無回音，再冇聯絡。
小弟要直接講：而家倫敦放售市場，£700,000嘅offer對一個買入價£705,000嘅一房單位嚟講，已經係相當認真嘅買家。放盤量係12年新高，買家選擇多，唔係得一個盤揀。買家唔
會因為業主唔肯減價就加價，佢哋只會轉去睇下一個盤。
最近，呢個業主終於改變主意，想同時搵買家同租客。
小弟認為呢個方向係對嘅，但要做好幾點：
第一，定價唔可以離地。£700,000以下先係市場接受嘅水平，唔好因為買入價係£705,000就堅守心理底線。市場唔理你買入價幾多，只理而家值幾多。
第二，放租可以即時止血。而家倫敦租務市場每個放租盤平均有8名租客競爭，租金收入穩定持有成本，等待市場條件改善，係唔少業主而家嘅最穩陣策略。
第三，放售唔好定價過高。有租客嘅放售盤（Tenant-in-situ），對投資者買家有一定吸引力：即時有租金收入，唔使由零開始搵租客。但租客背景要清晰、租約條款要透明，先可以減少買家顧慮。
投資嘅基本邏輯係睇風向，而唔係睇感覺。而家倫敦業主面對嘅市場，其實好清晰：租務係順風，出售係逆風。
租務方面：每個放租盤平均有8名租客競爭，租金按年仍然上升，空置率極低。順風嘅時候，唔需要特別努力，船自然行得快。
出售方面：放盤量係12年來最高，買家查詢量按年跌20%，成交時間超過17個星期，三分之一放盤已經減過價。逆風嘅時候，划得再用力都係事倍功半。
小弟明白，好多業主唔睇好英國經濟或者政治局勢，又或者對《租客權益法》好抗拒。呢啲感受係真實嘅，但投資決策要靠數字，唔係靠感覺。數字係咁講：而家放租有得賺，放售可能要蝕讓。喺有得加租嘅情況下，無理由走去蝕讓。
如果你持有英國物業，想免費獲取最誠實嘅估價同部署建議，不妨聯絡小弟傾傾！
Jackey YEUNG（英倫管家仔）：
Jackey 專注於英國房地產投資策略，長期為業主與投資人提供具前瞻性的市場分析與實務建議。Jackey曾任商業財經新聞記者，藉財經背景與市場觀察力，將政策、數據與趨勢轉化為投資建議。透過結合新聞專業與第一手市場資訊，協助讀者在瞬息萬變的英國房地產市場中，做出明智決策。
[編輯/邀請/合作/垂詢/業績會議/投資者簡介會]立即電郵聯繫：editorial@tastymoney.hk
英國樓過去一年都係易放租難出售，不過部分業主因為不同原因，都寧願嘗試出售物業離場。今日同大家分享一個客戶嘅經歷，一齊從中分析。
呢個客四年前以£705,000買入倫敦西南一個一房單位。四年過去，倫敦樓市經歷加息、《租客權益法》生效、政局變動，而家佢唔睇好後市，想賣樓離場。現實係：小弟評估過市場，而家同區同類型物業嘅成交價，估計唔會高過£700,000。即係話，四年持有，最好情況係平手，仲未計代理佣金（約2-3%）、律師費（約£2,000-£3,000）、同持有期間嘅按揭利息。
小弟一開始唔建議佢賣，但佢堅持，叫價£750,000——已經係高過小弟評估嘅市場水平£50,000。4月底，佢甚至要求原租客搬走，吉屋等買家。
吉屋等買家，聽落係好部署。唔使租客配合睇樓，買家可以即時入住。但問題係，等買家嘅過程中，個單位每個月嘅按揭同管理費繼續跑，租金收入係零。
當區優質新盤同類單位，市場月租約£3,200-£3,500。吉咗幾個月，損失嘅租金收入輕易超過£10,000。加上持有成本，呢幾個月嘅空置，係實實在在嘅錢蝕出去。
仲有一個業主容易忽略嘅現實：而家倫敦放盤量係12年來同期最高，買家查詢量按年跌20%，由接受offer到完成交易平均超過17個星期。即係話，即使有買家出價，由開始傾到正式成交，都要四個月以上。等買家，唔係等幾個星期，係等幾個月。
吉咗幾個月，陸陸續續有買家嚟睇樓，但出價都係手緊。幾個月下來，只有寥寥幾組買家查詢，大部分係試水溫式出價，唔超過£700,000。
終於有一個買家願意出£700,000，已經係同期最認真嘅offer。但業主一口回絕，心諗可以釣到買家加價去£725,000。結果？買家即刻無回音，再冇聯絡。
小弟要直接講：而家倫敦放售市場，£700,000嘅offer對一個買入價£705,000嘅一房單位嚟講，已經係相當認真嘅買家。放盤量係12年新高，買家選擇多，唔係得一個盤揀。買家唔
會因為業主唔肯減價就加價，佢哋只會轉去睇下一個盤。
最近，呢個業主終於改變主意，想同時搵買家同租客。
小弟認為呢個方向係對嘅，但要做好幾點：
第一，定價唔可以離地。£700,000以下先係市場接受嘅水平，唔好因為買入價係£705,000就堅守心理底線。市場唔理你買入價幾多，只理而家值幾多。
第二，放租可以即時止血。而家倫敦租務市場每個放租盤平均有8名租客競爭，租金收入穩定持有成本，等待市場條件改善，係唔少業主而家嘅最穩陣策略。
第三，放售唔好定價過高。有租客嘅放售盤（Tenant-in-situ），對投資者買家有一定吸引力：即時有租金收入，唔使由零開始搵租客。但租客背景要清晰、租約條款要透明，先可以減少買家顧慮。
投資嘅基本邏輯係睇風向，而唔係睇感覺。而家倫敦業主面對嘅市場，其實好清晰：租務係順風，出售係逆風。
租務方面：每個放租盤平均有8名租客競爭，租金按年仍然上升，空置率極低。順風嘅時候，唔需要特別努力，船自然行得快。
出售方面：放盤量係12年來最高，買家查詢量按年跌20%，成交時間超過17個星期，三分之一放盤已經減過價。逆風嘅時候，划得再用力都係事倍功半。
小弟明白，好多業主唔睇好英國經濟或者政治局勢，又或者對《租客權益法》好抗拒。呢啲感受係真實嘅，但投資決策要靠數字，唔係靠感覺。數字係咁講：而家放租有得賺，放售可能要蝕讓。喺有得加租嘅情況下，無理由走去蝕讓。
如果你持有英國物業，想免費獲取最誠實嘅估價同部署建議，不妨聯絡小弟傾傾！
Jackey YEUNG（英倫管家仔）：
Jackey 專注於英國房地產投資策略，長期為業主與投資人提供具前瞻性的市場分析與實務建議。Jackey曾任商業財經新聞記者，藉財經背景與市場觀察力，將政策、數據與趨勢轉化為投資建議。透過結合新聞專業與第一手市場資訊，協助讀者在瞬息萬變的英國房地產市場中，做出明智決策。
[編輯/邀請/合作/垂詢/業績會議/投資者簡介會]立即電郵聯繫：editorial@tastymoney.hk